എല്ലാ വാഗ്ദാനങ്ങളും
ലംഘിക്കുവാന്‍
എല്ലാ ചങ്ങലകളും
പൊട്ടിക്കാന്‍
എല്ലാ ഉപദേശങ്ങളും
നിരസിക്കാന്‍ സമയമായിരിക്കുന്നു.
കണ്ണി കണ്ണിയായി
സ്വര്‍ഗത്തെ അഴിച്ചു വയ്ക്കുക
മൃതിയുടെ വാളിനാല്‍
പ്രണയത്തിന്റെ എല്ലാ
കെട്ടുകളെയും അറുത്തു കളയുക.
ഇരു കര്‍ണങ്ങളിലും
പഞ്ഞി തിരുകി
ജ്ഞാനോപദേശങ്ങളെ
പുറത്തു നിറുത്തുക.
വാതില്‍ പൊളിക്കുക
എല്ലാ മധുരങ്ങളും
ഒളിച്ചിരിക്കുന്ന ആ മുറിയില്‍
കടന്നു കയറുക.
പ്രണയം കാത്തിരിക്കുമ്പോള്‍
ഇഹത്തിനായി ഞാന്‍
എത്ര നാള്‍ എത്രനാള്‍
ഇരക്കും, വില പേശും?
എത്ര നാള്‍ ഞാന്‍ കാത്തിരിക്കും
ആരാണ് ഞാന്‍, എന്താണ് ഞാന്‍
എന്ന ചോദ്യങ്ങള്‍ക്കും
അപ്പുറം പോകുവാന്‍?
No comments:
Post a Comment